حياة 05/01/2017لا توجد تعليقات
أشهر الأسئلة عن دراسة اللغة الانجليزية
الكاتب: الثورة اليوم

من الجيد أن تبدأ عام 2017 بتنمية مهاراتك فى المجال الى نفسك تبرع فيه ، احنا فى الثورة اليوم قررنا ننشر تجارب الناس الى نجحت وعملت تغيير كبير فى حياتها ، والى منهم الاستاذ / مايكل يوسف المترجم المعتمد فى اللغة الإنجليزأشهر الأسئلة عن دراسة اللغة الإنجليزية الإنجليزيةية
حنتعرف معه على أشهر الأسئلة الى الكل بيدور عليها لتعلم اللغة الإنجليزية .

1- هل ينفع اتعلم اللغة الإنجليزية لوحدي ولا لازم كورس؟
السؤال اصلا ليه تاخد كورس ، اغلبية الكورسات مش هتعمل فرق معاك و مش هتتعلم حاجة و الموضوع بالنسبة لهم فلوس و تجارة بس.

2- لازم كورس بشهادة معتمدة علشان السيرة الذاتية ، اتصرف ازاي؟
لا مش لازم انت محتاج تفهم ان مفيش حاجة اسمها شهادة معتمدة فى اللغة الإنجليزية دي مش كلية اربع سنين ، دي مجرد ورقة بتقول انك حضرت كورس اللغة الإنجليزية مش اكتر. الصح انك الاول تعمل سيرة ذاتية قوية جدا و صحيحة و يوم المقابلة الشخصية لازم تتكلم انجليزي سليم و تكون محضر.

3- في مركز عنده مدربين اجانب اكيد احسن من المصريين؟
كلمة اجانب دي هي النصب بعينه ، يعني هيجيبلي واحد اجنبي من الصومال يدرسلي اللغة الإنجليزية ؟ المفروض يقولي مدرب امريكي او انجليزي ، و حتي لو قال المشكلة انهم في بلدهم مش مدرسين. المدرسين هناك بياخد حوالي 50 الف دولار في السنة و علشان تجيبوا مصر هتديله علي الاقل نفس الفلوس يعني حوالي مليون جنيه. طبعا مفيش مركز في مصر هيعمل كدا.

4- سمعت ان الجرامر ملوش لازمة و فيه طرق جديدة للتدريس الكلام دا صح؟
الجرامر هو اساس اللغة الإنجليزية و من غيره لا هتعرف تتكلم و لا تكتب انجليزي ، لو سمعت موضوع ان الطفل الامريكي او البريطاني مش بيتعلم جرامر و بيكتسب اللغة الإنجليزية بالممارسة ردي هيكون: اولا انت مش طفل و مش عايش في امريكا و علي اي حال لما بيدخلوا مدارس بيدرسوا جرامر و حياتهم مختلفة خالص. مش انك تفضل تكرر شوية حاجات مرتين في الاسبوع بدون جرامر في الكورس هتتعلم ،لا مش هتتعلم حاجة.

5- انا عايز اتعلم اللغة الإنجليزية في شهرين اعمل ايه؟
روح لساحر 😀 مفيش حاجة اسمها هتتعلم اللغة الإنجليزية في شهرين ، انت بقالك عشرين سنة بتتكلم عربي طول اليوم و عايز تتعلم لغة مختلفة خالص في شهرين ازاي؟ مش ينفع يا عزيزي.

6- اتعلم ازاي  اللغة الإنجليزية مادام انت بتقول بلاش كورسات؟
انا مش بقول بلاش كورسات انا بقول ان اغلبها تجارة و نصب ، لو لاقيت مدرب كويس فعلا روح خد معاه ، عموما انا عملت خطة للمبتدئين ممكن تبدأ بها و في خلال 3 شهور هتبقي كويس.

7- محتاج اذاكر اللغة الإنجليزية كل يوم؟ اصلي مشغول و مش ينفع غير ساعة في اليوم.
ايوا لازم او يفضل كل يوم و لو ساعة ، احسن من يومين في الاسبوع وقت كامل. اللغة  الإنجليزية مش هتكتسبها في شهر حتي لو هتذاكر طول اليوم كل يوم.

8- ايه الفرق بين ال IELTS و ال TOEFL
الايلتس مش شركة بريطانية و التوفل (او التويفل لو حد سمعه كدا) من شركة امريكية. الاتنين بيختبروا مهاراتك الاربعة في اللغة الانجليزية و هما امتحانات دولية معترف بها من جهات و جامعات كتير جدا.

9- ايه الفرق في ال IELTS الاكاديمي و العام؟
الايلتس فيه منه اكاديمي للمنح و الدراسة و عام للهجرة و الشغل

10- امتحن توفل ولا ايلتس؟
الايلتس اكثر انتشارا وبالتالي يفضل اه.

11- احسن القواميس ايه؟
قاموس اكسفورد للاندرويد علشان بينطق الجمل بالانجليزي الامريكي و البريطاني و دا مفيد جدا. في نفس الوقت للمستوي المتوسط هيبقي مفيد اوي انك تستخدم قاموس لونجمان علي الويندوز بس مش للنطق ولكن لدراسة الكلمات و معانيها. بالنسبة للقواميس العربية بحب صخر علي الكمبيوتر و ترجمة جوجل للكلمات فقط لا غير.

12- عايز موقع يترجم الجمل كاملة و الصفحات؟
مفيش لان الكمبيوتر بشكل عام مش يقدر يفكر علشان يترجم و يفهم المعني المقصود ، ترجم الكلمات فقط و افهم معني الجمل انت.

13- عايز موقع اعمل عليه شات علشان الممارسة تعرف واحد؟
انسي الكلام دا ، لانك مش هتمارس اللغة  الإنجليزية بجد يعني علي موقع زي كدا. انطق الجمل المخزنة علي قاموس اكسفورد كل يوم ساعة و هتلاقي نفسك بعد شهور بقيت رائع دا بجانب المذاكرة طبعا مش لوحده النطق يعني.

14- مش بحب اقرأ ولا اذاكر ، اتعلم انجليزي ازاي؟
انا بتكلم معاكم من خبرتي كـ مايكل يوسف و طبعا ممكن ناس تكون مختلفة معايا في الرأي في اكتر من شيء بس كدا عمرك ما هتتعلم لو عايش حتي في جامعة كامبريدج نفسها. لازم تتعب و تجتهد و تصبر علشان تتعلم.

 انتظرونا فى المقال القادم إن شاء الله  

شارك برأيك

التعليقات المنشورة لا تعبر عن رأي الثورة اليوم وإنما تعبر عن رأي أصحابها

دوائر التأثير

شاهد ايضا
هل فكرت يومًا كيف يؤثر البكاء على جسمك.. تعرف معنا
البكاء حالة يتميز بها البشر دون سائر المخلوقات وهو لا يرتبط بالأحزان فقط وانما بالأفراح أيضا، فالبكاء هو حالة التعبير عن المشاعر ما