نحو الثورة قبل 3 أياملا توجد تعليقات
"محمد علي" يدعو للاحتجاج اليوم ضد "السيسي" فوق أسطح المنازل
"محمد علي" يدعو للاحتجاج اليوم ضد "السيسي" فوق أسطح المنازل
الكاتب: الثورة اليوم

دعا الفنان والمقاول المصري “محمد علي”، جموع الشعب، إلى التجمّع فوق أسطح المنازل في السادسة من مساء اليوم الخميس، بعد غلقها جيداً من أسفل، في فعالية احتجاجية جديدة؛ للمطالبة برحيل قائد الانقلاب العسكري “عبد الفتاح السيسي“، مشيراً إلى أهمية استمرار الحراك الشعبي المناوئ للسلطة الحاكمة، ضمن خطة تستهدف “خلخلة” النظام عبر إنهاك قوات الجيش والشرطة.

وطالب “علي”، في مقطع فيديو جديد بثّه عبر موقع “يوتيوب”، مساء أمس الأربعاء، “السيسي” بالكشف عن بنود اتفاق “إعلان المبادئ” بشأن “سد النهضة” الإثيوبي، والذي تنازل بموجبه عن حقوق مصر التاريخية في مياه النيل عام 2015، قائلاً: “لا مشاكل لدينا في إنشاء إثيوبيا سداً لتوليد وتصدير الطاقة، ولكن من دون المساس بحصة مصر والسودان من مياه النيل”.

وأضاف “علي”: “مش عيب إن أنت تنجح، لكن مش على حساب ناس مش هاتلاقي تأكل، وأرض هاتبور”، موجهاً حديثه للإعلام المصري: “بقول لعمرو أديب وأحمد موسي، عايزكم تجاوبوا الشعب على الأسئلة التالية: مين اللي وقع اتفاقية إعلان المبادئ مع رئيس وزراء إثيوبيا؟، وعاوزكم تعرضوا ده في فيديو على الشعب المصري… وتتكلموا لو أنتم ناس عاوزة تشتغل إعلام حر!”.

وتابع: “أطالبكم بعرض فيديو القَسَم، واللي السيسي بيطلب فيه من رئيس وزراء إثيوبيا القَسَم بعدم الإضرار بحصة مصر المائية… من حقنا كشعب مصري أن نرى الوثيقة التي وقّعها السيسي، ونقرأ البنود اللي فيها”، مستطرداً “ده حقنا بعد ما منعتوا زراعة الأرز، وقصب السكر، وأشياء أخرى من أجل ترشيد استهلاك المياه… ربنا يستر، والأمر لا يصل إلى المياه التي نشربها”.

وواصل قائلاً: “أكيد السيسي لما أخذ القرار ده كان بناءً على تقييم لجنة، قالت له مافيش مشاكل إننا نوافق على بناء سد إثيوبيا… فإحنا عاوزين نعرف قرار اللجنة التي قيّمت هذا الموضوع؟، وقالت مافيش مشكلة نوقع العقد، ونشوف الأسماء دي، ووقعت على إيه تحديداً، استناداً إلى وجهة نظرها”."محمد علي" يدعو للاحتجاج اليوم ضد "السيسي" فوق أسطح المنازل السيسي

وزاد علي: “السيسي طلع مرة، وقال للمصريين اسمعوا كلامي أنا بس… طيب يطلع يقول أنتم سمعتوا كلامي، ويعرض اللي أنا قولته، ويقول أنا آسف يا شعب مصر…”، مشدداً “إحنا بننجح، وعايزين الصبر بس، لأن السيسي مش هايمشي بسهولة، ووارد جداً إن يكون في ناس في الجيش والشرطة معانا… وأنا شفتهم والله، زي ما في واحد في الجيش اسمه العميد ولاء حجازي، وده مش هايطلع برة، ويبهدل أولاده، ومثله الكثير في الجيش والشرطة”.

واستكمل: “في قمع وكبت بس إحنا بنكسب، وخوفناهم، ورعبناهم، وكل شوية السيسي يطلع بقرار جديد، يبقوا أنتم مؤثرين، وخطتنا ناجحة… وعايزين نعمل مظاهرة يوم الخميس، هانطلع بدل ما هاننزل، ودي مش المفاجأة اللي بنحضرها… بيوت المصريين كلها جنب بعض، وهانطلع كلنا على السطوح، ونقفل أبواب العمارات، ونهتف: ارحل يا سيسي”.

ودشّن ناشطون هاشتاج “#هنطلع_فوق_نعمل_مظاهرة“، فكتب الصحفي”عمرو خليفة“: لا عايزين ميادين ولا عايزين الشارع، مش عايزين إعتقالات، محمد علي يقترح #هنطلع_فوق_نعمل_مظاهرة فوق أسطحة منازلنا الساعة السادسة يوم الخميس”.

وأوضح “محمد لطفي“: “الجميل في الموضوع ان محمد علي بيسمع اراء الشعب وبيقول انها من الشعب ده في حد ذاته انجاز حتي لو مش هيتنفذ ان صوتك يتسمع ده شي جميل وشد حيلك يا مصري عوزين نبهرهم

#السيسي_العميل_باع_النيل #هنطلع_فوق_نعمل_مظاهرة #الساعة_٦“.

وكتب صاحب حساب “عثمان بن أرطغرل“: “#هنطلع_فوق_نعمل_مظاهرة خليكم قاعدين لما الموت يجيلكم لحد عندكم بس شوفوا رد فعل الفلّاح المصري الاصيل دا وهو بيدعو على السيسي بعد الارض منشفت والزرع مات من قله الروي”.

وطالب “منير” برحيل “السيسي” قائلاً: “ارحل يا عميل مش هنفرط فى النيل”.

وسخر حساب “المصري“: “إنت مش حلفت إنك مش هتقرب من نهر النيل رجعت في كلامك ليه؟ – طيب ما انت كمان حلفت لو خرجوا ضدك هترحل وخرجوا! مرحلتش ليه؟! #هنطلع_فوق_نعمل_مظاهرة“.

وتهكّم “علي”: “هنشرب مجارى ب 900 مليار جنية!! انت متخيل ياماااان!”.

شارك برأيك

التعليقات المنشورة لا تعبر عن رأي الثورة اليوم وإنما تعبر عن رأي أصحابها

دوائر التأثير

شاهد ايضا
"الإخوان" يهنئون شعب تونس: انتصاركم يُحيي الأمل من المحيط إلى الخليج
“الإخوان” يهنئون شعب تونس: انتصاركم يُحيي الأمل من المحيط إلى الخليج
أصدر المركز الإعلامي للمكتب العام لجماعة "الإخوان المسلمين" بياناً، مساء اليوم الأحد، هنّأ فيه الشعب التونسي على انتصارهم في معركة
الاشتراك في التنبيهات
اشترك في التنبيهات ليصلك كل جديد و متميز من موقع الثورة اليوم