استغاثة لوقف الإهمال الطبي بحق “رامي سيد” وعدم نقله لسجن الوادي الجديد

وجَّه عدد من النشطاء استغاثات لإنقاذ المعتقل “رامي سيد” من الانتهاكات التي تُمارَس بحقه، والإهمال الطبي الذي يعاني منه، والمطالبة بعدم رجوعه إلى سجن الوادي الجديد.

استغاثة لوقف الإهمال الطبي بحق "رامي سيد" وعدم نقله لسجن الوادي الجديد 
استغاثة لوقف الإهمال الطبي بحق “رامي سيد” وعدم تغريبه للوادي الجديد

وكتب “أحمد ماهر” – مؤسس حركة “6 أبريل” – عبر صفحته على موقع التواصل الاجتماعي “فيس بوك”: “انقذوا رامي سيد، رامي شاب عنده ٣١ سنة محكوم عليه بـ ١٠ سنين سجن لمجرد حضوره ذكرى وفاة صديقه أمام منزله مع باقي أصدقائه”.

وأضاف “رامي قضى منهم ٤ سنين لف فيهم كل سجون القاهرة والصعيد ومع إنه من القاهرة”.

وأردف “ماهر”: “من سنتين راح سجن المنيا العمومي وبعدها اترحل تاني لشديد الحراسة وبعدها لأسيوط، ثم الوادي الجديد علشان يتكدر زيادة ويتعاقب زيادة نتيجه لمشكلة مع رئيس مباحث السجن من سنتين”.

وتابع: “ولكن صحته ساءت جدا في سجن الوادي الجديد العام الماضي، لدرجة إنه كان دخل على فشل كلوي السنة اللي فاتت وأصبح يمشي بعكاز وأصابه حالة وهن وضعف شديد بسبب سوء المعاملة وظروف المعيشة السيئة وبسبب عدم وجود رعاية صحية إطلاقا”.

وأكمل: “لولا ستر ربنا انه كان عنده امتحانات فرجع سجن استقبال طرة واتلحق على آخر لحظة وقدر يكشف ويعمل تحاليل وياخد علاج في سجن طرة”.

#انقذوا_رامى_السيدرامي شاب عنده ٣١ سنة محكوم عليه ب١٠ سنين سجن لمجرد حضوره ذكرى وفاة صديقه أمام منزله مع باقى أصدقائه،…

Gepostet von Ahmed Maher am Montag, 26. August 2019

وأضافت “رنا سيد” – شقيقة “رامي” – “رامي كان خلاص هيغسل كلى وبدل ما كان مسجون بس كان هيبقى مسجون ومريض بمرض مزمن ملوش علاج وعشان ده ميتتكررش تاني رامي مفروض ميروحش سجن الوادي ده تاني عشان صحته متتدهورش”.

وأكملت: “لما اتحكم على رامي بالـ ١٠ سنين كان صدمة كبيرة علينا بس رضينا بالأمر الواقع وقولنا الحمدلله على أمل انه يخرج في يوم من الايام ويبتدي حياته لكن مع ترحيله لسجون الصعيد كده بنقضي على حياته خالص وخايفين ميلحقش يخرج”.

رامي سيد حسنينرامي شاب عنده ٣١ سنة محكوم عليه ب١٠ سنين سجن قضى منهم ٤ سنين من عمره لف فيهم كل سجون القاهرة والصعيد ومع…

Gepostet von Rana Sayed am Freitag, 23. August 2019

وأوضحت “رندا سيد” – شقيقة “رامي” – “رامي نفسيا وصحيا تعبان اوي ده غير انا وماما بنقضي باليومين في الشارع علشان نوصل سجون الصعيد وانا وماما بنكون لوحدنا وماما تعبانه اوي مينفعش تقف على رجلها بأمر الدكتور عندها خشونه مزمنه احنا بنتبهدل علشان نقدر نزوره املنا في الحياه انه ميروحش سجون الصعيد تاني”.

https://www.facebook.com/randa.roo3/posts/2450251805054772

يذكر أن “رامي سيد حسنين” تم تأييد الحكم عليه بالسجن عشر سنوات سجناً مشدداً، وذلك على ذمة القضية رقم ٢١٤٤٤ لسنة ٢٠١٤ برقم كلي ٤٥٤٦ جنايات جنوب الجيزة، والمعروفة إعلامياً بقضية “معتقلي العزا”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق