دوائر التأثير قبل شهر واحدلا توجد تعليقات
بعد فشل هجوم أبيه في وقف فيديوهاته.. شقيق "محمد علي" يشن هجوماً آخر
بعد فشل هجوم أبيه في وقف فيديوهاته.. شقيق "محمد علي" يشن هجوماً آخر
الكاتب: الثورة اليوم

في إطار معركة تكسير العظام بين الفنان والمقاول المصري “محمد علي” ونظام قائد الانقلاب “عبد الفتاح السيسي”, شنَّ شقيق الفنان المصري هجوماً شرساً على أخيه، مشيرًا إلى أن صبره نفد، وذلك من خلال ظهور غامض على فيديو بُثَّ على مواقع التواصل الاجتماعي. 

ونشر شقيق “محمد علي” فيديو قال فيه: “أنا بعمل الفيديوهات علشان صبري نفد، وبعدين لقيت فيديوهات انتشرت على إن محمد علي أخويا بقى مناضل.. مناضل إيه يا محمد يا علي، إنت هتشتغلنا ولا إيه، ده أنا أخوك بقى.. مناضل فرومنت ولا مارينا في الجيت واللنش، ولا كنت بشوفك تروح القرى ولا النجوع تناضل فيها ولا مارينا كنت بتناضل عند الفيلا”.

وأضاف شقيق الفنان “محمد علي”: “لو إنت حضرتك مناضل وتمام ولا الفلوس تمام وشايف الحياة تمام.. اللي خلاني أعمل الفيديوهات دي يا محمد علشان أرد عليك وانت ما بتردش على اتصالاتنا وعملت لينا بلوك على تليفونك وبعدين بتقول انك ابن بلد وتعرف الأصول، رد علينا انت وصلت الموضوع انك فضحتنا فهنفضح بعضنا، وهو الرجولة إنك تعمل بلوكات وتخلّي لسان أبوك يدلدل وتخلّي السكرتير بتاعك يرد على أبوك علشان فلوس أخوك الميت يقوله الباشا مش فاضي، هي دي الرجولة”. بعد فشل هجوم أبيه في وقف فيديوهاته.. شقيق "محمد علي" يشن هجوماً آخر محمد علي

وأضاف شقيق الفنان “محمد علي” في الفيديو الذي نشرته صفحة “EGY360” على موقع التواصل الاجتماعي: “ده أنا مش عارف أوصلك، هات فلوس أخوك الميت اللي بنلم ليهم علشان ندخلهم المدرسة، وأنا بكلمك فيس تو فيس، إنت خلّتني أتكلم في حاجات، إيه اللي إنت بتعمله، أنا مش شايفك مناضل، أنا شايف إنت بتتكلم عن مارينا وعربيات”.

وانفعل شقيق الفنان “محمد علي”: “يا أخي اعتبر إن أخوك ده راجل غلبان مش هتقف معاه، مناضل ايه، إنت جنون الشهرة عاميك، مش عايز أقول إنت كنت بتعمل ايه علشان تطلع في لقطتين، في الفن واحد ساب شغله وقعد يجرى ورا التمثيل وساب مشاغله وبعد ده كله عرف إن نفسه مغمور بالرغم من تمثيله فقال أعمل أي حاجة علشان الناس تعرفني”.

وتابع : “أنا مستغربك، إنت طول اليوم بتنزل في صور ليك في عربيات ولنشات، إنت جنون الشهرة جننك، انت هنا في مصر كنت بتعمل اى حاجة علشان تطلع في مشهد او اثنين، وبعدين الدنيا ارتاحت معاك ادّي فلوس أخوك الميت، ورد على أبوك الغلبان العيان، تخلّي واحد شغال عندك يرد عليه، وبعدين انا اخوك وعارف كل حاجة، وخلتنى جبت اخرى، لو انت ابن بلد رد على الناس، ولا بتكلم حد ومش عارفين نوصلك انت بتعمل كده ليه.. انت كنت خاربها هنا خمرة ونسوان مش عايز اتكلم”.

وشكّك نشطاء ومحللون في جدوى فيديو شقيق “محمد علي” الذي أتى بعد فشل تأثير لقاء جرى مع والده مع الإعلامي “أحمد موسى” عبر شاشة “صدى البلد” الموالية لجهاز المخابرات، واعتبروا أن النظام المصري يضغط على كل المقربين من “علي” داخل مصر من أجل الهجوم على المقاول المثير للجدل، على أمل إضعاف تأثير ظهوره الإعلامي الخطير.

وكان والد الممثل ورجل الأعمال المصري “محمد علي” قد هاجم ابنه، بعدما أثارت الفيديوهات التي نشرها على موقع التواصل الاجتماعي “فيس بوك” ضجّة واسعة, مشيراً إلى أن أطرافاً خارجية حاولت التأثير على ابنه.

وأكد “علي عبد الخالق” – والد “محمد علي” – أن علاقته بمسؤولي الدولة وسمعته لا يشوبها أي شيء، قائلاً: “الحاجات الخاصة في الجيش إحنا اللي بنعملها، محمد دخل مع الجيش وكان عصامي جداً، واشتغل في المقاولات ونجح جداً، وطوال 15 سنة في الجيش كانت بتُوكل ليه الأعمال الصعبة وينجزها في أسرع وقت”.

وأوضح: “بعد فيلم البر الغربي اشترى فيلا هناك وتردّد على إسبانيا، وبعد كدا بدأ يظهر سلوك عليه مش كويس من ساعة ما سافر وإنه يذكر البلد ويغلط فيها”.

وكان الفنان ورجل الأعمال المصري “محمد علي” – صاحب شركة “أملاك” العقارية – قد نشر مقاطع فيديو تحدَّث فيها عن الفساد داخل المؤسسة العسكرية، وإهدار مليارات الجنيهات على مصالح شخصية لقائد الانقلاب “عبد الفتاح السيسي” وزوجته “انتصار”، بالإضافة إلى مشروعات دون دراسة أو جدوى اقتصادية.

شارك برأيك

التعليقات المنشورة لا تعبر عن رأي الثورة اليوم وإنما تعبر عن رأي أصحابها

دوائر التأثير

شاهد ايضا
عملياً.. كيف بدأت "مصر" الخضوع لإثيوبيا في أزمة "سد النهضة"؟
عملياً.. كيف بدأت “مصر” الخضوع لإثيوبيا في أزمة “سد النهضة”؟
بدأت مصر عملياً الخضوع للجانب الإثيوبي في أزمة "سد النهضة"، إذ بدأت تعويض نسبة المياه المتوقع أن تخسرها خلال سنوات ملئ وتشغيل السد، خاصة
الاشتراك في التنبيهات
اشترك في التنبيهات ليصلك كل جديد و متميز من موقع الثورة اليوم