بعد صور “صلاح” مع عارضة الأزياء.. ردود فعل ساخرة من الجمهور وأديب يعلق

علق الإعلامي “عمرو أديب”، على الصورة المنتشرة للاعب “محمد صلاح” نجم “ليفربول” الإنجليزي و”المنتخب المصري”. 

وقال “أديب”، خلال تقديمه برنامج “الحكاية” المذاع على شاشة “mbc مصر”: “الدنيا اتقلبت أما فخر العرب “محمد صلاح” اتصور مع صاروخ برازيلي، وطبيعي لازم في الكورة تكون علاقتنا مع البرازيل كويسة جدا”. بعد صور "صلاح" مع عارضة الأزياء.. ردود فعل ساخرة من الجمهور وأديب يعلق

وأضاف: “الموديل دي عندها 38 سنة، اتصور صلاح معاها وعايز أقولكم إن “صلاح” يعيش في مجتمع آخر، وهو مش عايش في “مصر”، دا في حتة تانية، والناس اللي بتقول دي كانت حضناه فدا موضوع جانبي يحله هو و”أم مكة” مع بعض مش بتاعنا، دا راجل عالمي ومتجيش تقف عن إنها حضناه، لأن الست حضنت 4 غيره ودا أكتر الأحضان احتراما”.

وتابع: “الناس دخلت تقوله مكنش العشم ودخلنا في موضوع حساس جداً، والناس بتقارن بمحمد أبو تريكة، مع احترامي لتريكة وهو لاعب عظيم، الراجل دا عايش برا وفي منظومة أخرى”.

واستطرد: “وضعه مختلف في مجتمع مختلف وله تقاليد ومعايير أخرى، وبقالنا مدة في حد عايز يقلب على “صلاح” وفيه موجة عايزه تخلص على الراجل، مع إنه حيلتنا واللي نفخر بيه، ودا لاعب عنده 27 سنة وقدامه العز والفلوس والغنى وفي امتحان مش سهل وكويس إنه ماسك نفسه ومنتبه لشغله”.

وتابع: “بشويش يعني، دا بيتحط على أغلفة مجلات ومختار من أحسن لاعيبة في العالم وإنه من أكثر الشخصيات المؤثرة، وكفاية اللي حصل من شهر ومحدش عمل حاجة ولا اتكلم وكان مستني بلده تقف جنبه والصوت بتاعها موصلش، وأما كنت بسافر برا ويعرفوا إني من بلد “صلاح” سواقين التاكسي مكنوش بياخدوا مني فلوس، وروحوا شوفوا الاستاد وهما بيغنوله وكويس والله إن “محمد صلاح” دا لسه عاقل، دا أي عيل بيجيب جون ولا اتنين متعرفش تكلمه”.

الجدير بالذكر تعرض النجم المصري “محمد صلاح” لاعب “ليفربول” الإنجليزي للجدل بسبب صور له وهو يحتضن عارضة الأزياء البرازيلية “أليساندرا أمبروسيو”، على هامش حصوله على جائزة رجل العام في الشرق الأوسط، خلال الحفل الذي أقامته مجلة GQ الشهيرة، فى مدينة أبوظبى الإماراتية.

ويأتي ذلك بعد غيابه عن معسكر “منتخب مصر“، المقام حاليًا في الإسكندرية لمواجهة منتخب “بتسوانا” ودياً يوم الإثنين المقبل على أرض “استاد برج العرب”.

وإليكم بعض التغريدات:

https://twitter.com/Mohamed51606799/status/1182702972691795968?s=19

يذكر أن “ليفربول” يواجه عقب نهاية التوقف الدولي، نظيره “مانشستر يونايتد”، ضمن مواجهات الجولة التاسعة من منافسات “الدوري الإنجليزي” الممتاز، وستقام المباراة على ملعب “أولد ترافورد”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق