بعد اختفاء 4 صيادين 9 أيام..تفاعل رواد التواصل للمطالبه بالتحرك الفوري

تصدر وسم “#بحاره_الغردقه_المفقودين_فين” ضمن الأعلى تداولًا بموقع التواصل الاجتماعي “تويتر” في مصر، بعد اختفاء أربعة بحارة مصريين قرب سواحل البحر الأحمر، منذ أيام.

وتحول الوسم إلى رحلة بحث عن البحارة الأربعة، الذين خرجوا في رحلة صيد منذ 9 أيام، ولم يتم العثور على أحد من البحارة أو المركب حتى الآن.

وكانت الأجهزة الأمنية المصرية بمحافظة البحر الأحمر، قد تلقت بلاغًا يفيد باختفاء مركب “إسبيد”، وعلى متنه 4 بحارة من مدينة الغردقة ولم يعودوا إلى الآن، بينما تستمر عملية البحث عن المفقودين.بعد اختفاء 4 صيادين 9 أيام.. تفاعل رواد التواصل للمطالبه بالتحرك الفوري اختفاء

وتداول ناشطون عبر الوسم قصصًا وصورًا للبحارة الأربعة، آملين في نجاتهم وعودتهم إلى أسرهم سالمين.

وقالت وسائل إعلام محلية، إن الصيادين الأربعة هم:

“ناجي” قائد المركب المفقود، وشريكه “عدلي”، وأحمد ناجي، وإسلام محمد موسى، وكانوا يستقلون القارب للصيد بحثًا عن لقمة العيش.

وغرد “أحمد عدلي” “نجل أحد المفقودين”: “‏أمي ومرات خالي كل يوم مش بيسألوني غير سؤال واحد فين أبوك وخالك وابن خالك يعني ايه يختفو كده من غير اي أثر وانا مش عندي غير اجابه واحده أدعو ليهم ان ربنا يردهم على خير ‎#بحارة_الغردقه_المفقودين_فين

وقالت “أسماء أحمد “: “‏الموضوع مش صعب اننا نعرف مكانهم فين احنا محتاجين ناس تسندنا وناس تهتم بالموضوع عشان يعرفونا هما فين احنا مش بنقول هاتوهم بكرا احنا بنقول نعرف مكانهم فين عاوزين ولو كلمه تطمنا وتقنعنا وتعرفنا هم فين؟؟؟ “‎#بحاره_الغردقه_المفقودين_فين“.

وأضاف “مصطفى“: “‏الموضوع كان محتاج حد من المسؤلين يتحرك من بدري اوي حسبي الله ونعم الوكيل ف كل واحد كان في ايده بيعمل حاجه ومعملش… ربنا يصبر أهلهم ويربط على قلبهم ان شاء الله ‎#بحاره_الغردقه_المفقودين_فين“.

وأردف “عبدالرحمن حسب النبي“: ‏إحنا معندناش حاجة أغلي من أهالينا 😢💔 ولو بإيدينا نقلبها سما ع أرض ونرجعهم أو حتي نكون إحنا مكانهم بس أهالينا لا الواحد مننا من غير أهلو بيتعري ‎#بحارة_الغردقه_المفقودين_فين“.

وتعجب “ميدو مشاكل: ” ‏كلنا كمصريين بنعاني من المسئولين ومحدش يقدر ينكر دا شان دايما مكبرين دماغهم ولازم الدنيا تخرب وحد تحصله حاجة عشان يتحركوا ف ملناش غير بعض كمصريين يريت نشارك كلنا يا شباب فضلا وليس امرا كلنا معرضين يحصلنا مصيبه فالبلد اللي محدش بيتحاسب فيها دي ‎#بحاره_الغردقه_المفقودين_فين“.

وإليكم بعض التغريدات :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق