#أحمد_صفوت_فين.. انتفاضة طبية على “تويتر” للكشف عن مكان احتجاز زميلهم

دشّن رواد مواقع التواصل الاجتماعي وسم “#أحمد_صفوت_فين“، متسائلين عن مصيره بعد اختفائه منذ نحو أسبوع، عقب مطالبته بحقوق الأطباء العاملين.

و”صفوت” هو أحد الأطباء المعروفين على مواقع التواصل، وعضو في نقابة أطباء القاهرة، فيما طالب الناشطون بالكشف عن مصيره والإفراج عنه.#أحمد_صفوت_فين.. انتفاضة طبية على "تويتر" للكشف عن مكان احتجاز زميلهم #أحمد_صفوت_فين

ويعكس الوسم تطوراً كبيراً في مناوشات نظام قائد الانقلاب العسكري “عبد الفتاح السيسي” مع الكوادر الطبية، منذ بداية أزمة تفشي فيروس “كورونا” الجديد. وقد بدأت الحملة بتخوين الأذرع الإعلامية التابعة للنظام للأطباء واتهامهم بالتقصير، ثم محاصرة نقابتهم من قبل قوات الأمن.

وغرّد “عبد الرحمن”: “كمية القهر اني قاعد دلوقت هموت و اقدم أي حاجة لصفوت،واللهِ خبر زي ده يقف له ٥دفعات عالاقل،٥ دفعات مفيهمش حد سأل سؤال و صفوت مردش عليه، مفيش مهنة فالدنيا بيموت منها ١٠٠ في شهرين و الباقي يختفي اختفاء قسري واحد ورا التاني (صفوت و آلاء و الفوال …سيب القوس مفتوح”.

وتعجبت “إيمان عثمان”: “‏عارفين يعني ايه واحد زي د أحمد مختفي بقاله أسبوع!! طبيب طوارئ من أول يوم في الأزمة واقف وشايل عنك كتير يا بلد!! شاب وظف وقته وجهده عشان يخدم كل مريض كل زميل له للنهوض بالمنظومة في عز ما إدارة الازمة نفسها بتضرب بمصلحة المواطنين عرض الحائط! ‎#احمد_صفوت_فين”.

وأشار “نادر سليمان” لأطباء آخرين: “‏حسبنا الله ونعم الوكيل.. آلاء وبعدين أحمد وفي غيرهم كتير عشان ايه؟؟ الدكاترة للأسف ملهاش سند في البلد دي. #أحمد_صفوت_فين”.

وأدلت “مرحة” بشهادتها عنه: “‏كنا في مره بنتكلم وباقوله انت فعلا محتاج تفصل وترتاح شوية. قالي ازاي بس والدكاترة مين يساعدهم جروبات الشات عندي واصلة آلاف الرسايل. دي آخرتها مع حد كان كل هدفه انه يخدم وان الدنيا تتصلح. #احمد_صفوت_فين”.

وتعجّب “أحمد رشدي” مما سمّاه “الفُجر في الخصومة”: “‏طبيب عادي معملش أي حاجة غير خدمة زمايله وتوضيح كل الأمور الخاصة بالتكليف والنيابات للسنة الرابعة تقريباً، وكلام عن حقوق الأطباء ورفض اتهامهم بالتقاعس في الوقت اللي قدموا فيه 100 شهيد وآلاف المصابين. ليه يتم اعتقاله؟ ليه الفُجر الشديد ده؟ #أحمد_صفوت_فين؟”.

وأشاد به “محمود أنس”: “‏دكتور أحمد صفوت الجدع اللي بيساعد الكل اختفى من 5 أيام عشان قال رأيه بس بدون ما يدخل في سياسة ولا غيره قال رأيه في المنظومة الصحية. #أحمد_صفوت_فين”.

وطالبت “غالية”، النائب العام بالتحقيق، واتهمت الشعب والإعلام بالتقصير قائلة: “‏يا حضرة النائب العام، في شاب دكتور مختفي قسرياً محدش عارف عنه حاجة لو مفيهاش إساءة أدب شوفهولنا، وإعلام بلدنا الجميل معداش على معدينكم خبر اختفاء أحمد صفوت؟ أما شعب مصر الجميل فانتوا ليكم جنب لوحدكم والله ربنا يتولاكم بدعواتنا إن شاء الله. #أحمد_صفوت_فين”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق